Sunday, 18 September 2016

Khuwaab aankhon se nikalay bhi nahi ja satke

Khuwaab aankhon se nikalay bhi nahi ja satke
Aaeinay mujh se sambhale bhi nahi ja satke

Ye mere ashk, ye jugnoo, ye chamaktay sikkay
Shab k kashkaul mein daaley bhi nahi ja satke

Chaukrri bhartay huwe lafz kahaan se laaon
Ye hiran mujh se to paaley bhi nahi ja satke

Meri jageer hai aqleem shab-e-terah mein
Uss jagah par to ujalay bhi nahi ja satke

Ghar mein tanhaai ko aabad kiya hai, Usman !
Dar-o-deewar se jaaley bhi nahi ja satke

Poet; Usman Mazhar

0 comments:

Post a Comment