Muft Le Jaao Humein Daam Se Dar Lagta Hai

Muft Le Jaao Humein Daam Se Dar Lagta Hai
Ay Gulaami !! Humein Nelaam Se Dar Lagta Hai

Sar Talab Karta To Kiya Baat Thi, Dil Maangta Hai
Aik Hi Shakhs K Peghaam Se Dar Lagta Hai

Saaf Zaahir Hai Kuchalta Hai Ussay Za'am-e-Wajood
Jab Kisi Shakhs Ko Ilzaam Se Dar Lagta Hai

Meray Aamaal K KhaaliQ !! Mujhe Chup Rehnay De
Sab Samjhta Hoon Par Ohaam Se Dar Lagta Hai

Chaand Aata Hai Magar Tu Nahi Hota Sooraj !!
Ab Mujhe Teri Tarah Shaam Se Dar Lagta Hai

Maye Mein Bhi Koi Sifat Hai Jo Tere Jaisi Hai
Jab Talak Pee Na Loon Har Jaam Se Dar Lagta Hai

Naam Leta Hoon Tera Shiddat-e-Tashdeed K Saath
Ek Tera Naam Hai Jis Naam Se Dar Lagta Hai

Jaan-e-Mann Kaam To Acha Hai Muhabbat Lekin
Hum Ko Ess Kaam K Anjaam Se Dar Lagta Hai