Apnay tan ki dhool utaaro raqs karo

Apnay tan ki dhool utaaro raqs karo
Raqs karo mere wehshi yaaro, raqs karo

Dasht mein aanay waalo tum ko surkh dua
Aao aao Qais k piyaaro raqs karo

Rang rang k phoolo! apna naach dikhao
Ay sundar gul posh bahaaro, raqs karo

Wo jo tum ne roz-e-awwal dekha tha
Ay us jalwey k hub'daroo, raqs karo

Raqs karo ay aab-o-khaak-o-aatish-o-baad
Pairro ! daryaao ! kuhsaaro, raqs karo

Apnay andar chhat girnay ka khauf na lao
Mere hujray ki dewaaro, raqs karo

Chaak girebaan baazaaron mein raqs karen
Apne gharon mein pardadaaro raqs karo

Poet; Saeed Zaigham

Comments