Ye Jaan Jhoot Jana

Ye Na Thi Hamari Qismat Ke Visaal-E-Yaar Hota
Agar Aur Jeete Rehte Yehi Intezaar Hota

Tere Waade Par Jeye Hum To Ye Jaan Jhoot Jana
Ke Khushi Say Mar Na Jaate Agar Aitbaar Hota

Rug-E-Sung Say Tapakta Wo Lahoo K Phir Na Thumta
Jese Ghum Samajh Rahay Ho Ye Agar Sharaar Hota

Kahoon Kiss Se Main K Kiya Hai Shab-E-Ghum Buri Bala Hai
Mujhay Kiya Bura Tha Marna Agar Aik Baar Hota

Huwe Mar K Hum Jo Rusva Huwe Kiyon Na Gharq-E-Dariya
Na Kabhi Janaaza Uthta Na Kaheen Mazaar Hota

Ye Masail-E-Tasavvuf Ye Tera Bayaan Ghalib
Tujhay Hum Wali Samajhte Jo Na Baada Khuwar Hota

Comments