Urdu poetry, Ghazal, Shayari,Sad Poetry And Funny Jokes

Labels

Wednesday, 11 May 2016

Tha Pehla Safar Uski Rafaqat Bhi Nayi Thi

Tha Pehla Safar Uski Rafaqat Bhi Nayi Thi
Rastay Bhi Kathan Aur Musafat Bhi Nayi Thi

Dil Tha K Kisi Taur Bhi Qabu Mein Nahi Tha
Tezi Se Dharrakne Ki Alaamat Bhi Nayi Thi

Jab Usne Kaha Tha K Mujhe Ishq Hai Tum Se
Aankhon Mein Jo Aai Thi Wo Hairat Bhi Nayi Thi

Sadiyon K TaaLuq K Guman Hone Laga Tha
Jab K Meri Us Shakhs Se Nisbat Bhi Nayi Thi

Waqif Bhi Nahi Tha Main Kisi Sod-o-Ziyaan Se
Is Ishq K Soday Mein Shiraakat Bhi Nayi Thi

Tabeer Kahan Dhoondne Jati Meri Aankhen
In Ko To Kisi Khuwab Ki Zehmat Bhi Nayi Thi

DiL Waqif-e-Adaab-e-Muhabat Bhi Nahi Tha
Duniya K Riwaajon Se Baghawat Bhi Nayi Thi

No comments:

Post a Comment