Sunday, 17 April 2016

Qatal Chuptay Thay Kabhi Sung Ki Deewar Ke Beech

Qatal Chuptay Thay Kabhi Sung Ki Deewar Ke Beech
Ab To Khulnay Lagay Maqtal Bharay Bazar Ke Beech

Apni Poshaak K Chin Jany Pay Afsos Na Ker
Sar Slamat Nahi Rehtay Yahan Dastaar Ke Beech

Surkhiyan Aman Ki Talqeen Mein Masrof Raheen
Harf Barood Ugaltay Rahay Akhbar Ke Beech

Kash Is Khwab Ko Tabeer Ki Mohlat Na Milay
Sholay Ugtay Nazar Aaye Mujhay Gulzar Ke Beech

Rizq Malboos Makan Sans Marz Qarz Dawaa
Munqasim Ho Gaya Insan Inhi Afkaar Ke Beech

Dekhay Jatay Na Thay Ansu Meray Jis Say Mohsin
Aaj Hanstay Huay Dekha Usay Aghiyar Ke Beech

0 comments:

Post a Comment