Mar Gayi Faaqa Zada Masoom Bachi Raat Ko
Kitna Boseeda Dareeda Pairhan Hai Zaib-e-Tan
Wo Jo Charkha Kaatti Rehti Hai Larrki Raat Ko
Sahn Mein Ik Shor Sa Har Aankh Hai Hairat Zada
Chorriyaan Sab Torr Dein Dulhan Ne Pehli Raat Ko
Jab Chali Thandi Hawaa Bacha Thitthar Kar Reh Gaya
MAA Ne Apnay Laal Ki Takhti Jala Di Raat Ko
Waqt To Har Aik Dar Par Dastakain Deta Raha
Aik Saaat K Liye Jaagi Na Basti Raat Ko
Marghzaar-e-Shaairi Mein Gum Raha SIBT-E-ALI
So Gayi Rah Daikhtay Bemaar Biwi Raat Ko
Comments
Post a Comment