Saturday, 5 March 2016

Kaaghaz Qalam Dawaat Uthanay Ki Umer Hai

Kaaghaz Qalam Dawaat Uthanay Ki Umer Hai
Yeh Umer Kab Hamaaray Kamaanay Ki Umer Hai

Lay Aayi Chatt Pay Kiyon Mujhay Bay-Waqt Ki Ghuttan
Teri TO Khair Baam Pay Aanay Ki Umer Hai

Tujh Say Bicharr K Bhi Tujhay Milta RahOn Ga Mein
Mujh Say Taweel Meray Zamaanay Ki Umer Hai

PehlO Mein Rakhay PhOOl Ka Bemaar Kiya Karay
Ab Aa Rahay HO Jab Mery Jaanay Ki Umer Hai

Aulaad Ki Tarah Hai Mahabbat Ka Mujh Pay Haq
Jab Tak Kisi Ka BOjh Uthaanay Ki Umer Hai

Ghurbat KO Kiyon Na Main Bhi Shararat Ka Naam DOn
BaaghOn Say Kachchay Aam Churaanay Ki Umer Hai

0 comments:

Post a Comment