Sunday, 6 March 2016

Har taraf ronaqey hain meley hain

Har taraf ronaqey hain meley hain
Or hum shehar main akele hain

Man ka marham kahin nahi bikta
So dukanay hazar thelay hain

Zehar khane ki bhi nahi fursat
Woh bikheray hain woh jhamelay hain

Baad main hogaye bare dono
Sirf bchpan main sath khelay hain

Yey nahi dekhta woh nukta nawaz
Kis ne papar ziada belay hain

Dushmano ke ilawah hum ne shaor
Doston ke sitam bhi jhelay hain

0 comments:

Post a Comment