Mai Tishna Labi De Kar ik Jaam Nahi Loon Ga
Izhaar e Tamanna Hai Toheen e Tamanna
Tum Khud Hi Samajh Jao Main Naam Nahi Loon Ga
Jo Shaam Jagati Ho Jo Subh Rulati Ho
Woh Subh Nahi Loon Ga Wo Shaam Nahi Loon Ga
Ay Ehel e Chaman Rakh Lo yeh Tohfa e Gul Apna
Haq Mera Mujhe De Do Inaam Nahi Loon Ga
Main Raah Ke Saaye Se Khairaat e Sukoon Kyon Loon
Main Maang Ke Manzil Se Aaraam Nahi Loon Ga
Ek Deeda e Khalwat Ki Tum De Do Ejazat Ab
Baad is Ke Muhabbat Ka Main Naam Nahi Loon ga
Comments
Post a Comment