Wo Ghazal Ka Lehjaa Naya Naya Na Kaha Huwa Na Suna Huwa
Jissay Le Gayi Hai Abhi Hawaa Wo Waraq Tha Dil Ki Kitaab Ka
Kaheen Aansoun Se Mita Huwa Kaheen Aansuwoun Se Likha Huwa
Kai Meel Rait Ko Kaat Kar Koi Moaj Phool Khila Gai
Koi Pairr Piyaas Se Mar Raha Hai Naddi K Pass Khara Huwa
Wohi Khait K Jis Pe Jagah Jagah Do Mehaktay Honton K Chaand Thay
Kisi Bhoolay Bisray Se Taaq Par TaheyGard Hoga Parha Huwa
Mujhe Haadson Ne Saja Saja K Bahut Haseen Banna Diya
Mera Dil Bhi Jaisey Dulhan Ka Haath Ho Mehandiyon Se Racha Huwa
Wohi Shehar Hai Wohi Raastay Wohi Ghar Hai Wohi Laan Hai
Magar Ess Dareechay Se Poochna Wo Darakht Annar ka Kiya Huwa
Mere Saath Jugnoo Hai Humsafar Magar Is Sharar Ki Basaat Kiya
Ye Charaagh Koi Charaagh Hai Na Jala Huwa Na Bhuja Huwa
Comments
Post a Comment