Tuesday, 5 January 2016

Bana Hua Hai Lakeeron Ka Jaal Hathon Mein

Bana Hua Hai Lakeeron Ka Jaal Hathon Mein
Naseeb Daal Raha Hai Dhmaal Hathon Mein

Sawal Rond Rahey Hein Merey Jawabon Ko
Jawab Lay K Kharray Hein Sawaal Hathon Mein

Phir Us K Baad Hathon Ko Apne Choomu Ga
Basa Raha Hoon Teray Khad O Khaal Hathon Mein

Kisi Ki Kooza Gari Ka Kamal Kuch Bhi Nahi
Dikha Rahey Hein Yeh Koozay Kamaal Hathon Mein

Saja Liya Hai Tumhara Azaab Mathay Par
Chhupa Liye Hein Tumharey Wabaal Hathon Mein

Woh Aik Lums E Guraizaan Faraib Tha So Tha
Kia Hai Us Ne Abhi Intaqaal Hathon Mein

0 comments:

Post a Comment