Tuesday, 15 December 2015

Tujhe Kho Kar Mohabbat Ko Ziyada Kar Liya Main Ne

Tujhe Kho Kar Mohabbat Ko Ziyada Kar Liya Main Ne
Ye Kis Hairat Me Aaiena Kushada Kar Liya Main Ne

Mujhe Paicheeda Jazbon Ki Kahani Nasb Karni Thi
So Jitna Ho Saka Asloob Sada Kar Liya Main Ne

Mohabbat Ka Suna Tha Zaat Ki Takmeel Karti Hai
Magar Is Aarzoo Me Khud Ko Aadha Kar Liya Main Ne

Shikasta e Khuwab Par Hi Khuwab Ki Bunyad Rakhna Thi
Dar e Imkaan Phir Se Eisteaada Kar Liya Main Ne

Nai Rut Me Mohabbat Ka Aaada Chahta Tha Wo
Purane Tajrubay Se Istafada Kar Liya Main Ne

Sar e Sahil Mujhe Peechay Se Ab Aawaz Mat Dena
Yahan Se Paar Janey Ka Irada Kar Liya Main Ne

Na Raas Mujhe Jab Ye Teri Dunya e How Hoo
Hawa e Be Dili Ko Hi Libada Kar Liya Main Ne

0 comments:

Post a Comment