Monday, 14 December 2015

Nishani Koi To Ab Ke Safar Ki Ghar Lana

Nishani Koi To Ab Ke Safar Ki Ghar Lana
THakan Paon Ki Aur Titlion K Par Lana

Main Likh Rahi Hon Kahani Teri Rafaqat Ki
Jo Ho Sake To Koi Harf Motabar Lana

Yehi Na Ho Ke Musalsal Wafa Thaka Dale
Mohabbaton Mein Naya Pan Talash Kar Lana

Jo Koh E Qaf Chale Ho To Chand Chehron Ka
Mujasma Koi Acha Tarash Kar Lana

Safar K Shoq Mein Chal To Pare Ho Tum Ghar Se
Dukhon Ke Gird Se Daman Na Apna Bhar Lana

Ajab Fiza Hai Jahan Sans Le Rahe Hain Hum
Gharon Ko Lout Ke Aana To Chashm E Tar Lana

0 comments:

Post a Comment