karb ke sheher mein reh kar nahi dekha tu ne

karb ke sheher mein reh kar nahi dekha tu ne
kya guzarti rahi hum par nahi dekha tu ne

jism sheeshe ka liye sheher mein phirne wale
Dast e halaat mein pathar nahi dekha tu ne

ay mujhe sabar ke aadaab sikahne wale
jab wo bichhra to wo manzar nahi dekha tu ne

jaane walon ko sadayen nahi deta mein bhi
Tu bhi mujh sa hay ke murr kar nahi dekha tu ne

Tu ne dekha hay muqadar ka sitara
MOHSIN
Par sitaare ka muqadar nahi dekha tu ne