galion galion mujh se milne aye bhi ghabraye bhi
raat gaye ghar jane wali gum sum ladki rahon main
apni uljhi zulfon ko suljhaye bhi ghabraye bhi
kon bichar kar phir lote ga kyun awara phirte ho
raton ko ik chand mujhe samjhaye bhi ghabraye bhi
ane wali rut ka kitna khof hai us ki ankhon main
jane wala door se hath hilaye bhi ghabraye bhi
kiya jane woh kon hai mohsin jis ki khatir raton ko
tez hawa pani par naqsh banaye bhi ghabraye bhi
Comments
Post a Comment