Agar Poocha Hai To Sun Yaar Jani..

Agar Poocha Hai To Sun Yaar Jani..
Hamari Jawani Bhi Kaya Thi Jawani..

Hansi Dil Lagi Chehche Shadmani..
Hamesha Haseenon Say Aankhein Larrani..

Sada Kamyab Sada Kamrani..
Bahot Yaad Aati Hai Batein Purani..

Wo Chehre Pay Tabish Labon Par Tabsum..
Wo Aankhon Hi Aankhon Mein Shoq-E-Taklum..

Wo Seene Mein Halchal Wo Dil Mein Talatum..
Nazar Mein Taraane Lahoo Mein Tarnum..

Wo Rag Rag Mein Dorrti Hui Zindagani..
Bahot Yaad Aati Hai Batein Purani..

Wo Din Raat Koo-E-Nigaran K Phaire..
Wo Rangeen Kothe Wo Gul Posh Daire..

Wo Kamre Farozan Wo Zeene Andhaire..
Wo Zulfon K Halqe Wo Bahon K Ghere..

Wahi Mudton Ja K Ratein Bitani..
Bahot Yaad Aati Hai Batein Purani..

Poet Jaan Nisar Akhtar