Rat Jagon K Sehra Mein Khawaab Jab Ujarr Jaayen Tum Udaas Mat Hona

Rat Jagon K Sehra Mein Khawaab Jab Ujarr Jaayen Tum Udaas Mat Hona
Zindagi K Mailey Mein Hum Agar Bicharr Jaayen Tum Udaas Mat Hona

Jin Pe Naam Likhey Hoon Un Ujaar Shaakhon Par Kab Bahaar Aati Hai
Aarzoo Ki Tehni Se Jab Gulaab Jharr Jaayen Tum Udaas Mat Hona

Jaan Kiya Zaroori Hai Dasht-e-Naarsaai Mein Ek Dua Bhi Poori Ho
Hum Agar Rawaajon Ki Sooliyoun Pe Garr Jaayen Tum Udaas Mat Hona

Waqt Ek Darinda Hai Aur Hum Sabhi Is Ki Dehshaton Ki Zad Mein Hai
Jab Ye Be-Sakoon Lamhey Apni Zid Pe Arr Jaayen Tum Udaas Mat Hona

Jaber Ki Fizaaon Mein Muskura K Jee Laina Ye Bhi Ek Ibadat Hai
Chaahey Karb K Saaye Meray Qad Se Barh Jaayen Tum Udaas Mat Hona

Kuch Bhi Ho Magar Apney Dil-Nasheen Tabasum Se Zabt Ka Bharam Rakhna
Chaahey Hum Bicharr Jaayen Kiyon Na Hum Ujarr Jaayen Tum Udaas Mat Hona


For More Urdu Poetry,
Like My Facebook Page,
.
.
https://www.facebook.com/pages/Bewafalarka/344112025695477