Jaisay banday ko museebat men khuda yaad aaey
Jaisay ujray huay panchi ko nasheman apna,
Jaisay apnon k bicharnay pe dua yad aaey.
Jaisay dhalti huee shamon ko sawera koi,
Jaisay pinjray men parinday ko Fizaa yad aaey,
Jaisay boorhay ko khyalat men bachpan apna,
Jaisay bachay ko shrarat pe saza yaad aaey.
Jaisay ujri huee basti ko zamana apna,
Jaisay tufaan k thehernay pe diya yaad aaey.
Jaisay palkon k jhapaktay he kinaray bhegen,
Jaisay us roz, hua kon juda, yaad aaey
Jaisay sooraj ki tamazat men ghata yaad aaey,
Yoon akely men usay ehl-e-wafa yaad aaye.
Comments
Post a Comment