Sar jhukao gay to pathar devta hojayega

Sar jhukao gay to pathar devta hojayega
Itna mat chaho usay wo bewafa hojayega

Hum bhi darya hain hame apna hunar maloom hai
Jis taraf bhi chal paren gay rasta hojayega

Kitni sachayi se mujh se zindagi ne keh diya
Tu nahi mera to Koi dosra hojayega

Mai Khuda ka naam lekar pi raha hon doston
Zeher bhi is mai agar hoga dawa hojayega

Sab usi ke hain hawa khushbo zameen o asman
Mai jahan bhi jaonga us ko pata hojayega

‏