Sunday, 16 October 2016

Kash main keh sakoon kabhi tum se

Kash main keh sakoon kabhi tum se
Dil ki har bat ankahi tum se
Kash main keh sakoon kabhi ye bhi
bari mushkil hai dil lagi tum se
Kash ke main keh sakoon ke tum kya ho
Hai mere dil main chandni tum se
Kash main keh sakoon kabhi ke mujhe
Baat karni hai zaroori tum se
Kash ke ye bhi kabhi pooch sakoon
kaise hoti hai berukhi tum se
Kash wo waqt bhi ajaye ke ho
meri duniya main roshni tum se
Kash ye raz keh sakoon main kabhi
Hai hseen meri shairi tum se
Kash lafzon main kabhi keh paoon
Mil ke hoti hai jo khushi tum se
Kash ye umr yoon guzar jaye
meri yadain rahain saji tum se
Kash poch sakon kabhi
Kaise hoti ha be rukhi tum se
Poet -------
Murad Khan

0 comments:

Post a Comment