Mere bistar mein azziyat ki farawaani hai
Mujh ko to wo bhi hai maloom jo maloom nahi
Ye samajh boojh nahi hai meri nadaani hai
Kuch ussay sochnay deta hi nahi apne siwa
Mera mehboob to mere liye zindaani hai
Hai museebat mein girftaar museebat meri
Jo bhi mushkil hai wo mere liye aasaani hai
Mauja-e-may hai bohat mere sakoon par betaab
Zabt-e-girya se mere jaam mein tughyaani hai
Main gunehgaar-e-tamanna hoon mujhe qatal karo
Dil to haara hai magar haar nahi maani hai
Poet: Akbar Maasoom
Comments
Post a Comment