Thursday, 28 April 2016

Jis roz se huwi hai meri hum nafs se jang

Jis roz se huwi hai meri hum nafs se jang
Tab se hi chal rahi hai badan ke qafas se jang

Imkaan ki hadon se nikal kar bhi dekh lo
Main kar raha hon apni fiza ki oumas se jang

Main hon anaa k koh-e-falak bose ka raqeeb
Mujh ko rawaa nahi hai kisi khaar-o-khas se jang

Har aik pankhari se ghiza choos li gayi
Phoolon ki dair tak rahi jaari mugas se jang

Is natawani-e-shab-e-gham mein bhi ay Wali
Karta raha hon roz mein do chaar das se jang

0 comments:

Post a Comment