Tuesday, 29 March 2016

Thaka Gaya Hai Musalsal Safar Udaasi Ka

Thaka Gaya Hai Musalsal Safar Udaasi Ka
Aur Ab Bhi Hai Mere Shaanay Pay Sar Udaasi Ka

Wo Kon Keemiyagar Tha Ke Jo Bikhar Gaya
Teray Gulaab Say Chehray Pay Zar Udaasi Ka

Meray Wajood Ke Khalvat kady Mein Koi To Tha
Jo Rakh Gaya Hai Diya Taaq Per Udaasi Ka

Main Tujh Say Kesay Kahon Yaar-e-Mehrbaan Meray
Ke Tu Hi Ilaj hai Meri Har Udaasi Ka

Na Jany Aaj Kahan Kho Gaya Sitaara-e-shaam
Wo Mera Dost Mera Humsafar Udaasi Ka

Faraz Deeda-e-Puraab Mein Na Dhoondh Usey
Ke Dil Ki Teh Mein Kahin Hai Gohar Udaasi Ka

0 comments:

Post a Comment