Wednesday, 30 March 2016

Tere Tirchhi Nazar Ka Teer Hi Mushkil Se Nikle Ga

Tere Tirchhi Nazar Ka Teer Hi Mushkil Se Nikle Ga
Dil Is Ke Saath Nikle Ga Agar Ye Dil Se Nikle Ga

Shab-e-Gham Mein Bhi Meri Sakht Jaan Ko Na Maut Aaye
Tera Kaam Ay Ajal Ab Khanjar-e-Qatil Se Nikle Ga

Nigaah-e-Shauq Mera Tu Un KO Samjha De
Mere Munh Se To Harf-e-Aarzoo Mushkil Se Nikle Ga

Kahaan Tak Kuch Na Kahiye Ab TO Naubat Jaan Tak Aa Pahunchi
Takaluf Bar Taraf Ay Zabt Naalah Dil Se Nikle Ga

TasverOn Kiya Tera Aaya Qayaamat Aa Gayi Dil Mein
Ke Ab Har Valvalah Baahar-e-Dil Se Nikle Ga

Na Aayen Ge Wo Tab Bhi Dam Nikal Hi Jaaye Ga
Magar Mushkil Se Nikle Ga Bari Mushkil Se Nikle Ga

0 comments:

Post a Comment