Malhooz Hum Ne Rakha Hai Youn Ehtraam Bhi

Malhooz Hum Ne Rakha Hai Youn Ehtraam Bhi
Mansoob Tum Se Kar Diya Apna Qalaam Bhi

Din To Guzar Gaya Hai Kisi k Khayaal Mein
Dhal Jaaye Gi Kisi k Tassawur Mein Shaam Bhi

Manzil Ko Jis Muqaam Se Jaata Tha Raasta
Chorr Aaye Raaste Hi Mein Hum Wo Muqaam Bhi

Us k Baghair Kitne Hi Mausam Guzar Gaye
Hum Bin Kabhi Guzarti Na Thi Jis Ki Shaam Bhi

Pohncha Diya Wahaan Hamein Halaat Ne Jahaan
Bekaif Ho Gaye Teri Aankhon k Jaam Bhi

Comments