Thursday, 31 March 2016

Lamhat-E-Wasl Kaise Hijabon Mein Kat Gaye

Lamhat-E-Wasl Kaise Hijabon Mein Kat Gaye
Wo Hath Barh Na Paye Ke Gonghat Simat Gaye

Khushbo To Saans Lene Ko Thehri Thi Raah Mein
Hum Bad Gumaan Aise Thay Ke Ghar Ko Palat Gaye

Milna Dobara Milne Ka Wada Judai
Itne Bahut Se Kaam Achanak Nimat Gaye

Roya Hon Aaj Khul Ke Bari Muddaton Ke Baad
Badal Jo Asman Pe Chaye Thay Jhat Gaye

Kis Dheyan Se Purani Kitabain Khuli Thi Kal
AaYi Hawa To Kitne Warq Hi Ulat Gaye

Shehar-E-Wafa Mein Dhoop Ka Sathi Koi Nahin
Soraj Saron Pe Aaya To Saye Bhi Ghat Gaye

Itni Jisartain To Usi Ko Naseeb Thi
Jhonke Hawa Ke Kaise Gale Se Lipat Gaye

Dast-E-Hawa Ne Jaise Daranti Sambhal Li
Ab Ke Saron Ki Fasl Se Khuliyan Pat Gaye

0 comments:

Post a Comment