Sunday, 31 January 2016

khamoshi Guftagu hai Be zubani hai zubaan meri

Nahi Minnat kash e Taab e shaanidaan Dastaan meri
khamoshi Guftagu hai Be zubani hai zubaan meri

Yeh Dastoor e zubaan Bandi hai kaisi teri mahfiL mein
Yahan to bat karne ko tarasti hai zubaan meri

Uthaye kuch warQ LaLa ne kuch Nargis ne kuch GuLL ne
Chaman main har Tarf bikhri hoyi hai Dastaan meri

Urra Li kumaariyon ne Totiyon ny AndLibon ne
chaman waLon ne miL kar Loot Li Tarz e Fughaan meri

Tapak ayi shama Aansu ban ke parwane ki Aankhon se
Sarapa dard hon hasrat bhari hai Dastaan meri

iLahi phir maza kya hai yahan duniya mein rehne ka
Hayat e jawidaan meri na marg e Na Gahaan meri

0 comments:

Post a Comment