Wednesday, 30 December 2015

Yaad Kar Wo Din Keh Taira Koi Sodai Na Tha

Yaad Kar Wo Din Keh Taira Koi Sodai Na Tha
Ba Wajood E Husan To Aagah E Raenai Na Tha

Ishq Roz Afzon Pe Apne Mujh Ko Hairani Na Thi
Jalwah E Rangeen Pe Tujh Ko Naaz E Yaktai Na Tha

Deed K Qabil Thi Maire Ishq Ki Bhi Sadgi
Jabke Taira Husan Sar Garm E Khud Aarai Na Tha

Kaya Huye Wo Din Keh Mahvu E Aarzoo The Husan O Ishq
Rabt Tha Donon Mein Go Rabt E Shanasai Na Tha

Tone HASRAT Ki Ayaan Tehzeeb Rism E Aashqi
Is Se Pahle Aetbar E Shan E Ruswai Na Tha

0 comments:

Post a Comment