Tuesday, 29 December 2015

Us Ko Bhi Bachaana Hai Khud ko Bhi Bachana Hai

Us Ko Bhi Bachaana Hai Khud ko Bhi Bachana Hai
Ek Simt Hai Zaat Apni Ik Simt Zamana Hai

Hum Se na Koi Uljhe Hum Log Hain Deewane
Aandhi se Humain Zid hai Ik Deep Jalana Hai

Hum Dono ko Baanta hai Dariya k Kinaron Ne
Is Simt B Rehna hai Us Paar B Jaana Hai

Ye Ishq tu Fitrat hai Kaise Ho Juda Mujh Se
Ye Rog hai Matti ka Aur Sadiun Purana Hai

Basti Hi Chupa Li Phir Us Shakhs Ne Haathon Me
Itna jo Kaha Main Ne Ik Shehar Basaana Hai

Ik Aankh hai Sehra Tu Ik Aankh Samandar Hai
Kya Janiye Is Dil Me kis kis Ko Samaana Hai

Kehne ko Bahut Kuch Hai Ay Saad
Magar Hum Ne Ik Vaada Nibhaana Hai

0 comments:

Post a Comment