Main bohat dinon se udas hon mujhe koi sham udhar do
Mujhe apne roop ki dhoop do k chamak sakain mere khaal o khad
Mujhe apne rang mein rang do mere sare zang utar do
Kisi aur ko mere haal se na gharz ha koi na wasta
Main bikhar gaya hon samait lo main bigar gaya hon sanwar do
Meri wehshton ko bara diya hai judaiyon k azab ne
Mere dil pe haath rakho zara meri darhkanon ko Qarar do
Tumhein subha kaisi lagi kaho meri khawahishon k dyaar ki
Jo bhali lagi to yahin raho ise chahton se nikhar do
Wahan ghar main kon hai muntazir ke ho fikar dair sawair ki
Bari mukhtasar si ye raat ha isay chandni mein guzar do
Koi baat karni hai chand se kisi shakhsaar ki oot mein
Mujhe raste mein yahin kahin kisi kunj e gul mein utar do
Comments
Post a Comment