Sitam Ko Maslihat Husn E Taghaful ko Ada Kehna

Sitam Ko Maslihat Husn E Taghaful ko Ada Kehna
Ab Us Ko aur kya likhna, ab us se aur Kya kehna

Ye Rasm E Sheher E Pursa to Hamaray Dam se Qaaim hai
K Her Ik Ajnabi Ko Muskura Kar Aashna Kehna

Hazaron Haadsay Tujh Par Qayamat Ban K Tootay Hain
Tu Is Par Bhi Salamat Hai Dil E Khush feham Kya Kehna

Dil E Bedard Ko Bhi Betalab Jeenay Ki Aadat hai
Mujhe Acha Nahi Lagta Dua Ko Iltijaa Kehna

Meray Mohsin Ye Aadaab E Musafat Seekhnay Hongay
Bhataktay Jugnuon Ko Bhi Safar Ka Aasra Kehna