Monday, 28 December 2015

Shehar Ka Shehar Agar Aaye Bhi Samjhaaney Ko

Shehar Ka Shehar Agar Aaye Bhi Samjhaaney Ko
Is Se Kiya Faraq Parray Ga Teray Deewaaney Ko

Jis Qadar Weham Hain Sab Us K Atta KarDaa Hain
Liye Phirtaa Hoon Kisi Aur K Butt Khaaney Ko

Ye Hunar Wo Hai Jo Dil Se Kabhi Seekha Na Gaya
TU Ne To Jorr Liya Torr K Paimaaney Ko

Kiya Koi Khail Hai Be Naam o Nishaan Ho Jaana
Waisey Shamma Bhi Tayaar Hai Jall Jaaney Ko

Wo Ajab Shakhs Tha Kal Jis Se MulaaQaat Huwi
Main Milaa Hoon Kisi Jaaney Huwe Anjaany Ko

Aaj K Dukh Bhi Kisi Se Nahi Jhailay Jaatey
Yaad Matt Kar Kisi Bhooley Huwe Afsaanay Ko

Door Tak Raat Ki Aankhon Mein Kaheen Neend Nahi
Itna Sannata Hai K Aaye Koii Tarrpaanay Ko

Zindagi Bhar Mein Koi Shai To Mukammal Kar Lein
Aao Labraiz Karein Sabar K Paimaanay Ko

Ye Alag Baat K Eik Boond Muqqadar Mein Na Thi
Sar Pe So Baar Ghata Chaai Rahi Chaaney Ko

Shaam Honey Ko Hai Jalnay Ko Hai Shaam e Mehfil
Saans Lainey Ko Bhi Fursat Nahi Parwaaney Ko

0 comments:

Post a Comment