Tuesday, 22 December 2015

Qudrat Hai Zindagi Pe Na Maut Ikhtiyaar Mein

Qudrat Hai Zindagi Pe Na Maut Ikhtiyaar Mein
Shaam e Hayaat Ab Hai Meri Dast e Yaar Mein

Tum Se Judaa Huway To Gayi Raunaq e Hayaat
Pehli Si DilKashi Nahi Lail o Nihaar Mein

Koye Taban Ki Hum Se Dil Aawaiziyan Na Pooch
Duniya Luti Hai Apni Us Hi Rahguzar Mein

Ab Qaafila Na Jaanay Kahaan Hai Kahaan Hain Hum
Karti Nahi Hain Kam Nigaahen Ghubaar Mein

Na Ehel e Baaghbaan Ne To Gulshan Mita Diya
Fuqdan e Taazagi Hai Har Ik Burd o Baar Mein

Jamna Bhi Yaad Aati Hai Ganga k Saath Saath
Aabad Hai Do Aabah Meray Qalb e Raaz Mein

0 comments:

Post a Comment