Kuch Aise Hum Ne Kharabey Basaey Shehron Mein

Kuch Aise Hum Ne Kharabey Basaey Shehron Mein
Jo Dasht Waaley Thay Wo Bhi Uth Aaye Shehron Mein

Hamaari Saada Lohi Dekhiye K Dhoondhtey Hain
Hum Apne Dais ki Baatein Paraaye Shehron Mein

Kuch Is Tarah Se Har Ik Baam o Dar Ko Dekhtey Hain
Zamaaney Baad Koi Jaisey Aaye Shehron Mein

Qadam Qadam Pe Huwe Talkh Tajarbe Phir Bhi
Humein Hayaat k Gham Kheench Laaye Shehron Mein

Hawaa Naa Do k Ye Jungle Ki Aag Hai Yaaro
Ajab Nahi Hai k Agar Phail Jaaye Shehron Mein

Faraz Hum Wo Ghazalaan e Dasht o Sehraa Hain
Aseer Kar k Jinhein Log Laaye Shehron Mein