Friday, 25 December 2015

Koi moaj E gul se keh de Na chale machal machal k

Koi moaj E gul se keh de Na chale machal machal k
Wo nazar badal gaya hai Meri zindgi badal k

Shab E Maah Mukhtasir thi Mujhe haye kya khabar thi
K tuloo phir na ho ga Mera Mehtaab dhal k

Meri Mushkilaat tum ne Kuch or hi barha dein
Raah E Zindagi me do din Mere sath sath chal k

Na chura Nigaah saqi Na bart be niazi
Tere paas aaey hain ham Kai Rastay badal k

Teri bazm k Chiraghon ka Naya hi Rang dekha
Koi Mushtail hai bujh k Koi Mutmain ha jal k

Kai Aandhiyon me uljhay Kai Zulmaton me dooby
Teri Aarzoo k lekin Na bujhy charagh jal k

0 comments:

Post a Comment