Koi jazba Adhoora Reh Gaya hai

Koi jazba Adhoora Reh Gaya hai
December Aansuon Mein beh gaya hai

Yeh DiL Khamosh Ho kar reh gaya hai
Najaane Aaj Wo kya keh gaya hai

Yeh Aankhein hain Hamari Kitni Gehri
Samandar Mein Samandar Beh gaya hai

Tumhary saath wabasta tha sab kuch
Siwaaye yaad k kya Reh gaya hai

PaLat kar Daikhny par hum ny Jaana
DiL e Nadaan kya kya seh gaya hai

Bohat Hai Bheerr Bazaaron Mein Lekin
Tera Arshad AkeLa Reh Gaya Hai

Comments