Wednesday, 30 December 2015

Kitni Zulfen Khulein Kitne Aanchal Urrey Chaand Ko Kiya Khabar

Kitni Zulfen Khulein Kitne Aanchal Urrey Chaand Ko Kiya Khabar
Kitna Maatam Huwa Kitne Aansoo Bahey Chaand Ko Kiya Khabar

Muddaton Us Ki Khuwaahish Mai Chaltey Rahe Haath Aata Nahi
Chaah Mein Is Ki Pairon Mein Hain Aablay Chaand Ko Kiya Khabar

Wo Jo Nikla Nahi To Bhataktey Rahe Hain Musaafir Kayi
Aur Luttey Rahe Hain Kayi Qaaflay Chaand Ko Kiya Khabar

Wo To Apni Nagri Mein Madhosh Hai Kab Se Khaamosh Hai
Kon Raaja Bana Kitne Syed Lutey Chaand Ko Kiya Khabar

Is Ko Daawa Bahut Meethe Pan Ka Wasi Chaandni Se Kaho
Is Ki Kirnoon Se Kitne Hi Ghar Jal Gaye Chaand Ko Kiya Khabar

0 comments:

Post a Comment