Ik sitara jo meri Aankh se dhalne laga hay

Ik sitara jo meri Aankh se dhalne laga hay
Iska matlab hay koi Khwaab pighalne laga hay

or ab kia ho bhala
shaoq e musaafat ki daleel
Tera beemaar to ab neend men chalne laga hay

Din ba din Main jo yoon madoom huwa jaata hun
Aik Aaiena mera Aks nigalne laga hay

Us k seene men koi Aag sulagne lagi hay
Meri Aankhon men koi chashma ubalne laga hay

Meri shuhrat to hy az khud Teri mamnoon e karam
Yaar tu yoon hi mere naam se jalne laga hay

Comments