Monday, 28 December 2015

Ik Diya Dil Mein Jalana Bhi Bujha Bhi Dena

Ik Diya Dil Mein Jalana Bhi Bujha Bhi Dena
Yaad karna Bhi Usay Roz Bhula Bhi Dena

Kya Kahoon Meri Chahat Hai Ya Nafrat Uski
Naam Likhna Bhi mera Likh k Mita Bhi Dena

Phir Na Milnay ko Bicharta Hon Tujh Se Lekin
Murr k Dekhon to Palatnay ki Dua Bhi Dena

Khat Bhi Likhna Usay Mayoos Bhi Rehna Us Se
Jurm Karna Bhi Magar Khud Ko Saza Bhi Dena

Mujh ko Rasmon ka Takalluf Bhi Gawaara Lekin
Jee Mein Aaye To Ye Deewar Gira Bhi Dena

Us Se Mansoob Bhi Kar Lena Puranay Qissay
Us k Baalon Mein Naya Phool Saja Bhi Dena

Soorat e Naqsh e Qadam Dasht Mein Rehna Mohsin
Apnay Hone Se Na Hone Ka Pata Bhi Dena

0 comments:

Post a Comment