Hawaa Se Dosti Rakhon To Ghar Roshan Nahi Rehta

Hawaa Se Dosti Rakhon To Ghar Roshan Nahi Rehta
Chatton Ko Dekh Loon To Yaad Phir Saawan Nahi Rehta

Gharibon Ki Ye Basti Hai Kahaan Se Shokhiyaan Laoon
Yahaan Bachay To Rehtay Hain Magar Bachpan Nahi Rehta

Jo Tera Mera Rishta Hai Faqat Dil Ki Kahaani Hai
Jahaan Par Kachay Dhaagay Hon Wahan Bandhan Nahi Rehta

Yahaan To Kuch Bhi Mumkin Hai K Ye Raah e Muhabbat Hai
Wahaan Bhi Jeena Parrta Hai Jahaan Jeewan Nahi Rehta

Kahaan Kis Kis Se Uljho Gay Kaha Na Raah e Ulfat Hai
Yahaan Kaanton Ne Rehna Hai Yahaan Daaman Nahi Rehta

Khalish Anjaan Ho To Tere Gham Se Jorr Deta Hoon
Koi Ibhaam Aisey Main Pas e Uljhan Nahi Rehta

Yahaan Shajar Ik Tha Kisi Ki Yaad Thi Us Main
Agar Wo Ab Bhi Hota Soona Ye Aangan Nahi Rehta

Comments