Haft Aflaak Se Aazardah Hoon

Haft Aflaak Se Aazardah Hoon
Apni Is Khaak Se Aazardah Hoon

Mujh Ko Ruswa Ye Zamaanay Mein Karay
Chashm e Namnaak Se Aazardah Hoon

Zakhm Poshaak Huway Hain Meri
Apni Poshaak Se Aazardah Hoon

Khuwaahish e Baad e Bareen Hai Mujh Ko
Khas o Khashaak Se Aazardah Hoon

Ik Zamaanay Se Junoon Khaiz Nahi
Us Pe Idraak Se Aazardah Hoon

Dil ki Gehrai Se Dar Jaaye
Aisay Tairaak Se Aazardah Hoon