Aik Ho Kar Bhi Hazaron Se Ulajh Parrta Hai

Aik Ho Kar Bhi Hazaron Se Ulajh Parrta Hai
Ishq Paidal Hai Sawaron Se Ulajh Parrta Hai

Koi Ilzam Nahi Tum Se Faqat Poocha Hai
Teer Kya Khud Hi Shikaron Se Ulajh Parrta Hai

Khuwahish e Gul Me Tu Milti Hai Saza Ujlat Ki
Yunhi Daman Nahi Khaaron Se Ulajh Parrta Hai

Gahay Ba Gahay Tujhe Kya HOta Hai ALLAH Janay
Besabab Apne Hi Yaaron Se Ulajh Parrta Hai

Aik Lamhay K Liye Chaand Jo Ojhal Ho Jaye
Dil Wh Ziddi K Sitaron Se Ulajh Parrta Hai

Zabt Dariya Ka Bhi Dekha Hai Amjad Hum Ne
Bojh Parrtay Hi Kinaron Se Ulajh Parrta Hai