Itne mehengay khwab na dekho
Thak jao gi
Kaanch se nazuk khwab tumhare
Toot gaye to pachhtao gi
Soch ka sara ujla kundan Zabt ki raakh mein khul jaye ga
Kache pakke rishton ki khushboo ka resham Khul jaye ga
Tum kya jaano Khwab safar ki dhoop k teshay
Khwab adhoori rat ka dozakh
khwab khyalon ka pachhtawa
Khwabon ki manzil ruswai Khwabon ka hasiL Tanhai
Tum kya jaano
Mehengay khwab khareedna hon to
Aankhein baichna parti hain
Ya rishte bhoolna parte hain
Andeshon ki rait na phaanko
pyas ki oat saraab na dekho
Itne mehengay khwab na dekho
Thak jao gi
Pagal ankhon wali larki
Itn mehengay khwab na dekho
Thak jao gi
Comments
Post a Comment