Azaad har khayaL se mast e khayaL hai
Keh do yeh koh kann se hai marna nahin kamaaL
Mar mar k Hijar e yaar mein jeena kamaaL hai
Aankhein bata rahi hain jaage ho raat ko
In saaghron mein boo e sharab e wisaaL hai
Barsaao teer mujh pe par itna jaan Lo
PehLo mein diL hai diL mein tumhara khayaL hai
Aankhein Larra k un se hum Aafaat mein parr gaye
Aankhon ki har zubaan pe diL ka sawaaL hai
Butt keh diya jo mene to ab boLte nahi
Itni si baat ka tumhe itna khayaL hai
Main Daamin e nayaaz mein ashk e chakdaan hoon
Koi uthaaa k dekh Le uthna muhaaL hai
Comments
Post a Comment