Nahi Darti Main Kaanton Se Magar Phoolon Se Darti Hoon.
Chubhan De Jaein Jo Dil Ko Main Un Baaton Se Darti Hoon..
Mujhy To Neend Bhi Achi Nahi Lagti Haqeeqat Mein.
Dikhayein Khuwab Jo Jhooty Main Un Neendon Se Darti Hoon..
Anaa Ki Main Nahi Qaeil, Mohabbat Hy Mujhy Sab Se.
Jo Dil Me Bughz Rakhty Hoon Main Un Apnon Se Darti Hoon..
Mujhy Ehsas Hy Sab Ka Main Sb K Kaam Aati Hoon.
Magar Jo Keena Rakhty Hoon Main Un Rishton Se Darti Hoon.
Main Bandi Hoon Khuda Ki Aur Khuda Ka Khof Hy Mujh Ko.
Jo Darty Hi Nahi Rab Se Main Un Bandon Se Darti Hoon.
Comments
Post a Comment