Yeh Mera Shehar-e-Wafa Aur Main Akela Aadmi,

Yeh Mera Shehar-e-Wafa Aur Main Akela Aadmi,
Mery Lakhon Aashna Aur Main Akela Aadmi,

Aik Hi Sar Hai Jhuka Sakta Hon Kiss Kiss K Liye?
An-Ginat Mery Khuda Aur Main Akela Aadmi,

Ghoomta Phirta Hon Shayad Mujh Say Koi Aa MiLay,
Gham K MeLy Ja Baja Aur Main Akela Aadmi,

Apni Tanhai Say Bhi Hoti Nahi Ab Guftagoo,
Bay-Kara'n Qaid-e-Ana Aur Main Akela Aadmi,

Mera Saya Mar Na Jaye Raat K Is Dasht Mein,
Itna Lamba Rasta Aur Main Akela Aadmi,

Us Ki Rehmat K Hazaron Dar Mgar Wo Bay Niaz,
Mery So Dasat-e-Dua Aur Main Akela Aadmi,

Dard K iLhaam Nazil Ho Rahy Hain Dam-Ba-Dam,
DiL Ka Ye Ghaar-e-Hira Aur Main Akela Aadmi,

MiL K Hawa Say Kiya Isay Aabad Main Ney QATEEL,
Yeh Jahan Meri Ata Aur Main Akela Aadmi..