Ab to har hal me hay humko safar me rehna
Dil ko har pal kisi jadu k asar me rehna
Khud say niklay to kisi or k dar me rehna
Sheher e Gham Dekh Teri Aab o Hawa khushk na ho
Ras ata hay usay Deeda e Tar me rehna
FesLay saray usi k hain hamari Babat
Ikhtyar apna bas itna k khabar me rehna
Koi khatir na madarat na TaQreeb e wisaL
Hum to bas chahtay hain teri nazar me rehna
Rat bhar chand me dekha karon surat uski
Subha ko or hi soda meray sar me rehna
Main to har chehray me ab tak wohi chehra dekhon
Usko har roz tamasha e Dagar me rehna
Tootna yon to muQaddar hay magar kuch Lamhay
PhooL ki tarah Muyassar ho shajar me rehna
Har muLaQat k bad Ajnbiyat or barhi
Usko Ayeiny hamen Zom e Hunar me rehna
Chand ki akhri Raton me bohat Lazim hay
Aik Mati ka diya Rah Guzar Me rehna
Tayir e Jan k Guzarnay say bara saneha hay
ShoQ e parwaz ka tootay huway Par mein Rehna..
Comments
Post a Comment