Tumhare Naam Ka Sikka Uchaal Rakhte Hen..

Tere Galay Mein Jo Baahon Ko Daal Rakhte Hein..
Tujhe Mananay Ka Kesa Kamaal Rakhte Hein..

Tujhe Khabar Hai Tujhe Sochne Ki Khaatir Hum..
Boht Se Kaam Muqaddar Pay Taal Rakhte Hen..

Koi Bhi Faisla Hum Soch Kar Nhi Karte..
Tumhare Naam Ka Sikka Uchaal Rakhte Hen..

Tumhare Baad Ye Aadat Si Hogai Apni..
Bikhre Sookhay Pattay Sanbhaal Rakhte Hein..

Khushi Si Milti Hai Khud Ko Aziyatein Day Kar..
So Jaan Boojh Kar Dil Ko Nidhaal Rakhte Hen..

Kabhi Kabhi Wo Mujhe Hans K Dekh Laitey Hen..
Kabhi Kabhi Mera Be Had Kahyaal Rakhte Hein..

Tumhare Hijar Mein Yeh Haal Ho Gaya Apna..
Kisi Ka Khat Ho Usay Bhi Sanbhaal Rakhte Hein..

Khushi Milay To Tere Baad Khush Nahi Hotay..
Hum Apni Aankh Mein Har Dum Malaal Rakhte Hein..

Zamane Bhar Se Chupa Kar Woh Apne Aanchal Mein..
Mere Wujood K Tukray Sanbhaal Rakhte Hein..

Kuch Is Liye Bhi To Be Haal Ho Gaye Hum Log..
Tumhari Yaad Ka Be had Khayal Rakhtay Hain..