khizan Ki Dhund Men Liptey Hue Hen..

khizan Ki Dhund Men Liptey Hue Hen..
Shajar Majbooriyan Pehne Hue Hen..

Ye Kesi Fasl.e.Gul Ae Chaman Men..
Parindey Khauf Se Sehme Hue Hen..

Hawaon Men Ajab Si Be Kali He..
Dilon Ke Badbaan Simte Hue Hen..

Hamare Khuwab Hen Makrri Ke Jaaley..
Hum Apne Aap Men Uljhe Hue Hen..

Damakte Gungunate Mosamon Ke..
Lahu Men Zaiqey Phailey Hue Hen..

Meri Soorat Zameen Ke Sare Manzar..
Tere Deedar Ko Tarsey Hue Hen..

Misl.e.Naqsh.e.Paa Heeran Tere..
Hawa Ki Rah Men Bethe Hue Hen..

Nigahon Se Kaho Hum Ko Samaiten..
Meri Jaan Hum Bohat Bikhre Hue Hen..

Adhori Khuwahishon Ka
Ghum Na Karna..
Ke Sare Khuwab kab poore hue Hen..

Samander Asman Or Saans Mera..
Teri Awaz Per Thehre Hue Hen..

Har Ak Raaste Pe Kehti Hen Ye Ankhen..
Ye Manzer To Kahen Dekhe Hue Hen..

Sitare Asman Ke Dekh Amjad
Kisi Ki Aankh Men Utrey Hue Hen..